ជំរុញអនាគតថាមពលស្អាតរបស់កម្ពុជា

អូស្ត្រាលីជាដៃគូឧបត្ថម្ភស្ថាបនិករបស់កម្មវិធីសប្តាហ៍ថាមពលស្អាត ចាប់តាំងពីការចាប់ផ្តើមនៃកម្មវិធីនៅឆ្នាំ២០១៨មក ដោយបានគាំទ្រដំណើររបស់កម្ពុជាឆ្ពោះទៅរកអនាគតថាមពលដែលមាននិរន្តរភាព អាចទុកចិត្តបាន និងមានភាពធន់។ 

ស្របពេលដែលកម្ពុជាកំពុងជំរុញការផ្លាស់ប្តូរទៅរកថាមពលស្អាត អូស្ត្រាលីកំពុងសហការជាមួយរាជរដ្ឋាភិបាលកម្ពុជា ស្ថាប័នទាក់ទងក្នុងវិស័យនេះ និងដៃគូអភិវឌ្ឍន៍ ដើម្បីពង្រឹងការរៀបចំផែនការថាមពល ពង្រីកលទ្ធភាពទទួលបានហិរញ្ញវត្ថុ និងបង្កើតឱកាសការងារប្រកបដោយបរិយាបន្ននៅក្នុងវិស័យថាមពលស្អាត។ 

អូស្ត្រាលី និងកម្ពុជាកំពុងសហការគ្នាដើម្បីបង្កើតប្រព័ន្ធថាមពលដែលកាន់តែស្អាត និងមានសុវត្ថិភាព ដែលជួយដល់កំណើនសេដ្ឋកិច្ច សុវត្ថិភាពថាមពល អធិបតេយ្យភាពថាមពល និងភាពធន់នឹងការប្រែប្រួលអាកាសធាតុ។ 

សូមចូលរួមក្នុងកម្មវិធីសប្តាហ៍ថាមពលស្អាតឆ្នាំ២០២៦ ដើម្បីស្វែងយល់បន្ថែមអំពីភាពជាដៃគូរវាងអូស្ត្រាលី និងកម្ពុជាលើវិស័យថាមពលស្អាត។