ប្រទេសអូស្ត្រាលី គឺជាដៃគូយុទ្ធសាស្ត្រដ៏រឹងមាំ និងស្ថិតស្ថេររបស់កម្ពុជាជាង ៧០ ឆ្នាំមកហើយនៅក្នុងដំណើរផ្លូវរបស់កម្ពុជា ពីប្រទេសដែលមានជម្លោះរហូតដល់ប្រទេសដែលពោរពេញដោយវិបុលភាព។
កម្មវិធីភាពជាដៃគូ កម្ពុជា អូស្ត្រាលី សម្រាប់ការអភិវឌ្ឍសេដ្ឋកិច្ចប្រកបដោយភាពធន់ (ហៅកាត់ថា កម្មវិធី CAPRED) ត្រូវបានបង្កើតឡើងស្របតាមការប្តេជ្ញាចិត្តរបស់ប្រទេសអូស្ត្រាលី ក្នុងការជួយគាំទ្រដល់ការអនុវត្តអភិក្រមផ្ដោតលើទីផ្សាររបស់រាជរដ្ឋាភិបាលកម្ពុជា ក្នុងការអភិវឌ្ឍសេដ្ឋកិច្ចប្រកបដោយបរិយាបន្ន និងការធ្វើសមាហរណកម្មនៅថ្នាក់តំបន់ និងសកល។
កម្មវិធី CAPRED គឺជាកម្មវិធីដែលមានលក្ខណៈពិសេស ក្នុងចំណោមកម្មវិធីអភិវឌ្ឍន៍នានានៅកម្ពុជា។ យើងបានរៀបចំ ធ្វើតេស្តសាកល្បងអភិក្រមនានា ប្រមូល និងវាយតម្លៃភ័ស្តុតាង ដើម្បីបញ្ជាក់ថាអភិក្រមទាំងនោះពិតជាមានប្រសិទ្ធភាពប្រាកដមែន និងរៀបចំជាគោលនយោបាយ ដើម្បីគាំទ្រការអភិវឌ្ឍអភិក្រមទាំងនោះ។ កម្មវិធី CAPRED មានគោលបំណងបំពេញតួនាទីជាចលករ ដើម្បីបរិវត្តកម្មប្រកបដោយនិរន្តភាព។ ដើម្បីសម្រេចបានផលជះជាអតិបរមា យើងផ្តោតសំខាន់លើការរិះរកគំនិត បច្ចេកវិទ្យា និងនវានុវត្តន៍ ហើយបន្ទាប់មក ពង្រីកវិសាលភាពនៃការអនុវត្តគំនិត បច្ចេកវិទ្យា និងនវានុវត្តន៍ទាំងនេះនៅទូទាំងប្រទេស។
គោលដៅចម្បងរបស់យើង គឺជួយឱ្យកម្ពុជាសម្រេចបាននូវកំណើន និងការអភិវឌ្ឍសេដ្ឋកិច្ចប្រកបដោយនិរន្តភាព បរិយាបន្ន និងភាពធន់ (RISE)។ យើងមានចក្ខុវិស័យផ្តោតលើប្រជាពលរដ្ឋ។ យើងមិនត្រឹមតែខិតខំបង្កើនប្រាក់ចំណូល និងបង្កើតការងារប្រកបដោយគុណភាពប៉ុណ្ណោះទេ, ការផ្លាស់ប្តូរដែលយើងខិតខំសម្រេចឱ្យបានត្រូវតែផ្តល់ប្រយោជន៍សម្រាប់ទាំងអស់គ្នា ដោយមិនប្រកាន់ពីយេនឌ័រ សមត្ថភាព ជាតិសាសន៍ ឬស្ថានភាពសង្គមសេដ្ឋកិច្ចនោះឡើយ។ ការអភិវឌ្ឍសេដ្ឋកិច្ចត្រូវតែបានទៅដល់អ្នកដែលងាយរងគ្រោះ និងអ្នករស់នៅក្នុងភាពក្រីក្រ និងត្រូវចូលរួមកាត់បន្ថយការគំរាមកំហែងថ្មីៗ ដែលបង្កឡើងដោយសារការប្រែប្រួលអាកាសធាតុ។
កម្មវិធី CAPRED ធ្វើសកម្មភាពជាចម្បងនៅក្នុងវិស័យបច្ចេកទេសចំនួន ៣៖
លើសពីនេះ ក៏មានប្រធានបទអន្តរវិស័យចំនួន ៣ ដែលមានឥទ្ធិពលលើសកម្មភាពទាំងអស់របស់យើងផងដែរ
កំណើនសេដ្ឋកិច្ចប្រកបដោយភាពធន់ នៅឋិតថេរយូរអង្វែង។ កំណើនបែបនេះអាចស្រូបយក និងឆ្លើយតបចំពោះវិបត្តិដែលកើតមាននៅខាងក្រៅ រាប់បញ្ចូលទាំងវិបត្តិដែលបង្កឡើងដោយសារអាកាសធាតុផងដែរ។
កំណើនសេដ្ឋកិច្ចប្រកបដោយបរិយាបន្នបង្កើតនូវឱកាសសម្រាប់ទាំងអស់គ្នា និងបែងចែកភាគលាភស្មើៗគ្នានៅក្នុងសង្គម។ កំណើនសេដ្ឋកិច្ចបែបនេះ រំដោះពលរដ្ឋក្រីក្រចេញពីភាពក្រីក្រ និងបង្កើតការងារប្រកបដោយគុណភាព។
ការអភិវឌ្ឍសេដ្ឋកិច្ចប្រកបដោយនិរន្តភាព នៅឋិតថេរយូរអង្វែង និងបន្តទ្រទ្រង់ខ្លួនឯងជាប់រហូត។ ផលជះនៃការអភិវឌ្ឍសេដ្ឋកិច្ចបែបនេះមិនរលាយបាត់ទៅវិញឡើយ។ មានការលើកទឹកចិត្ត ដើម្បីឱ្យការអភិវឌ្ឍនៅតែបន្តដំណើរការទៅមុខទៀត។
កំណើនសេដ្ឋកិច្ចនាំមកនូវជីវិតកាន់តែប្រសើរសម្រាប់ទាំងអស់គ្នា។ កំណើនសេដ្ឋកិច្ចផ្ដល់ប្រយោជន៍ផ្នែកសង្គមផង និងសេដ្ឋកិច្ចផង។ កំណើនសេដ្ឋកិច្ចជួយឱ្យប្រជាពលរដ្ឋអាចសម្រេចបានសក្ដានុពលពេញលេញរបស់ពួកគេ។
កម្មវិធី CAPRED បន្តបើកចំហឱកាសចូលរួមក្នុងកម្មវិធីនេះ តាមរយៈការចុះកិច្ចសន្យាផ្គត់ផ្គង់សេវាកម្ម និងអនុវត្តកិច្ចលទ្ធកម្មទំនិញ និងតាមរយៈការផ្តល់ឱកាសទទួលបានហិរញ្ញប្បទាន និងការឧបត្ថម្ភគាំទ្រនានា។
ឱកាសនេះបើកចំហចំពោះគ្រប់សហគ្រាស និងអង្គការទាំងអស់ ដែលអាចបំពេញតាមលក្ខណៈវិនិច្ឆ័យដែលត្រូវបានផ្សព្វផ្សាយ និងដែលធ្វើសកម្មភាពស្របតាមសកម្មភាពនៃកម្មវិធីរបស់យើង។ ឱកាសចុះកិច្ចសន្យា និងទទួលបានការឧបត្ថម្ភ ត្រូវអនុវត្តតាមដំណើរការដែលមានភាពប្រកួតប្រជែង។
យើងស្វាគមន៍បេក្ខជនមកពីសាវតារចម្រុះ និងផ្តល់បៀវត្សរ៍ដែលមានភាពប្រកួតប្រជែង ព្រមទាំង ផ្តល់ការិយាល័យដែលបើកទូលាយ និងផ្ដល់ភាពងាយស្រួលសម្រាប់បុគ្គលិកនៅតំបន់កោះពេជ្រ ដែលស្ថិតនៅចំកណ្តាលរាជធានីភ្នំពេញ។
កម្មវិធី CAPRED គាំទ្រដល់ការលើកកម្ពស់សមភាពយេនឌ័រ ពិការភាព និងបរិយាបន្នសង្គម។ ស្ត្រី ជនមានពិការភាព និងក្រុមភាគតិចដទៃទៀត ត្រូវបានលើកទឹកចិត្តឱ្យដាក់ពាក្យជាបេក្ខជន សម្រាប់មុខតំណែងដែលបើកទទួលពាក្យទាំងអស់។
ចូលរួមជាមួយ កម្មវិធី CAPRED។ សូមពិនិត្យមើលព័ត៌មានចុងក្រោយអំពីឱកាសទទួលបានមូលនិធិគាំទ្រ ដំណើរទស្សនកិច្ចសិក្សា និងឱកាសការងារ សូមឈ្វេងយល់បន្ថែម។
សូមពិនិត្យមើលធនធានបច្ចុប្បន្នភាពចុងក្រោយពីគ្រប់សកម្មភាពទាំងអស់នៃកម្មវិធី CAPRED។
មើលច្រើនទៀតតាមរយៈកម្មវិធីភាពជាដៃគូ អូស្ត្រាលី កម្ពុជា សម្រាប់ការអភិវឌ្ឍសេដ្ឋកិច្ចប្រកបដោយភាពធន់ (CAPRED) យើងមានមោទនភាពក្នុងការក្លាយជាអ្នកចូលរួមឧបត្ថម្ភក្នុងកម្មវិធីសម្ពោធជាផ្លួវការ ផែនការយុទ្ធសាស្រ្តនារីរតនៈទី៦ ឆ្នាំ ២០២៤-២០២៨ កាលពីពេលថ្មីៗកន្លងទៅនេះ។ ផែនការយុទ្ធសាស្រ្តនេះ មានគោលបំណងលើកកម្ពស់សមភាពយេនឌ័រ និងបរិយាបន្ននៅប្រទេសកម្ពុជា តាមរយៈយុទ្ធសាស្ត្រអាទិភាពចំនួនប្រាំមួយ រួមមាន ការបង្កើនភាពអង់អាចផ្នែកសេដ្ឋកិច្ចរបស់ស្ត្រី ស្ត្រី និងការប្រែប្រួលអាកាសធាតុ រាប់ចាប់ពីការបន្សាំទៅនឹងអាកាសធាតុ រហូតដល់ភាពធន់របស់សហគមន៍។ ពិធីសម្ពោធនេះប្រព្រឹត្តទៅក្រោមអធិបតីភាព លោកជំទាវកិត្តិបណ្ឌិត អ៊ឹង កន្ថាផាវី រដ្ឋមន្រ្តីក្រសួងកិច្ចការនារី និងលោកស្រី Amber Cernovs ពីខាងស្ថានទូតអូស្រ្តាលី ដោយមានអ្នកចូលរួមប្រមាណជាង ៥០០នាក់។ សូមទស្សនាវីដេអូសង្ខេប ដើម្បីស្វែងយល់បន្ថែម។
ប្រទេសកម្ពុជាបានដាក់ចេញនូវផែនការមហិច្ឆតាមួយស្តីពីថាមពលកកើតឡើងវិញ ដែលក្នុងនោះរួមមានគោលដៅធ្វើឲ្យ ៧០% នៃថាមពលទាំងអស់របស់កម្ពុជាក្លាយចេញពីប្រភពកកើតឡើងវិញឱ្យបាននៅត្រឹមឆ្នាំ២០៣០។ ក្នុងកិច្ចគាំទ្រប្រទេសកម្ពុជាសម្រេចឱ្យបានគោលដៅទាំងនេះ ប្រទេសអូស្ត្រាលីប្តេជ្ញាធ្វើការជាមួយកម្ពុជា ដើម្បីជួយជ្រោមជ្រែងដំណើរការផ្លាស់ប្តូរមកប្រើថាមពលស្អាតឱ្យប្រកបដោយជោគជ័យដូចបានគ្រោងទុក។ ថ្មីៗនេះ ប្រទេសអូស្ត្រាលីបានគាំទ្រគណៈប្រតិភូពីកម្ពុជាមួយក្រុមក្នុងការចុះបំពេញទស្សនកិច្ចនៅប្រទេសអូស្ត្រាលី ដើម្បីស្វែងយល់ពីបទពិសោធន៍នៅអូស្រ្តាលីក្នុងការរួមបញ្ចូលថាមពលកកើតឡើងវិញ ប្រភេទអថេរ។ ក្រោយពីទស្សនកិច្ចនេះបានបញ្ចប់ យើងបានជជែកជាមួយលោកបណ្ឌិត ដារិទ្ធ ដែលជាអនុប្រធានមជ្ឈមណ្ឌលជាតិបញ្ជូនអគ្គិសនីកម្ពុជា អំពីបទពិសោធន៍របស់គាត់នៅអូស្រ្តាលី។ សូមទស្សនាវីដេអូខាងក្រោមដើម្បីស្វែងយល់បន្ថែមពីដំណើរទស្សនកិច្ចមួយនេះ។
សហគ្រាសធុនតូច និងមធ្យម (SMEs) បង្កើនការងារ ៧០ភាគរយ នៃការងារសរុបនៅក្នុងប្រទេសកម្ពុជា។ ទោះជាយ៉ាងណាក៏ដោយ មានសហគ្រាសប្រមាណតែ ១៣ភាគរយប៉ុណ្ណោះ ដែលបានចុះបញ្ជីក្រុមហ៊ុន។ កត្តានេះហើយ រារាំងទៅដល់ផលិតភាព លទ្ធភាពទទួលបានហិរញ្ញវត្ថុ និងទីផ្សារ ព្រមទាំងការគាំទ្រពីរាជរដ្ឋាភិបាល។ [English below] អូស្ត្រាលី តាមរយៈកម្មវិធី CAPRED បានសហការជាមួយក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ក្នុងការបង្កើតប្រព័ន្ធផ្តល់សេវាសាធារណៈឌីជីថល សម្រាប់សហគ្រាសធុនតូច និងមធ្យម សិប្បកម្ម និងឧស្សាហកម្ម ដើម្បីស្នើសុំអាជ្ញាប័ណ្ណ។ ថ្នាលឌីជីថលមួយនេះ នឹងជួយជំរុញការបង្កើតអាជីវកម្មផ្លូវការ ក្នុងន័យបង្កើនសមត្ថភាពសហគ្រាស និងផលិតភាព ព្រមទាំងជំរុញកំណើនសេដ្ឋកិច្ច និងបង្កើនការវិនិយោគដោយផ្ទាល់ពីបរទេសផងដែរ។ ដើម្បីធានាឱ្យថ្នាលឌីជីថលមួយនេះ អាចប្រើប្រាស់បានប្រកបដោយប្រសិទ្ធភាព CAPRED និង ក្រសួង បានធ្វើសិក្ខាសាលាពិគ្រោះយោបល់ និងធ្វើតេស្តសាកល្បងថ្នាលឌីជីថល ជាមួយតំណាងមកពីសហគ្រាសធុនតូច និងមធ្យម សិប្បកម្ម និងឧស្សាហកម្ម។ លទ្ធផលនៃធាតុចូល និងមតិកែលម្អទាំងនោះ នឹងត្រូវបានបញ្ចូលទៅក្នុងដំណើរការនៃការបង្កើតថ្នាលឌីជីថលថ្មីនេះ មុនពេលដាក់ឱ្យដំណើរការនៅក្នុង ខែមិថុនា ឆ្នាំ ២០២៤ នេះ។ សូមទស្សនាវីដេអូសិក្ខាសាលា ដើម្បីស្វែងយល់បន្ថែម។
អូស្ត្រាលីគាំទ្រកម្ពុជាក្នុងការលើកកម្ពស់សមភាពយេនឌ័...
អូស្ត្រាលីវិនិយោគលើវិស្វករកម្ពុជា ដើម្បីអនាគតបៃតង
អូស្រ្តាលី ប្រមូលយោបល់ត្រឡប់ពីសហគ្រិនកម្ពុជា សម្រា...
សូមអានព័ត៌មាន និងករណីសិក្សាថ្មីៗចុងក្រោយ ដើម្បីឈ្វេងយល់បន្ថែមទៀត អំពីអន្តរាគមន៍របស់កម្មវិធី CAPRED។
មើលច្រើនទៀតកម្ពុជា និងអូស្ត្រាលី សហការគ្នាដើម្បីបង្កើនការវិនិ...
អូស្ត្រាលីគាំទ្រដល់អ្នកកែច្នៃគ្រាប់ស្វាយចន្ទីនៅកម្...